ஹிஜ்ரி துவக்கத்தில் துஆ

அல்ஹம்து லில்லாஹில்லதி அஹ்யானா பஅதமாஅமாத்தானா வஇலைஹிந் நுஷூர்.

புனிதமான முஹர்ரம் மாத  அதிகாலைநேர  தொழுகையை  நிறைவேற்ற அருள் புரிந்த அல்லாஹ்வே உனக்கே அனைத்து புகழும்.

யா அல்லாஹ்! எந்த நோக்கத்திற்காக எங்கள் கண்மனி நாயகம் ﷺ அவர்கள் ஹிஜ்ரத் செய்தார்களோ அந்த நோக்கமான இஸ்லாத்தின் கொள்கைகளை மேலங்கச் செய்வோர்களாக எங்களை ஆக்குவாயாக!

தீமையை எதிர்த்து போராடும் மன வலிமையை எங்களுக்கருள்வாயாக!

யா அல்லாஹ்! நீயே எனது ஆத்மாவை படைத்தாய்! நீயே அதை மவ்த்தாக்குவாய். அது வாழ்வதும், இறப்பதும், இரண்டும் உனக்காகவே! நீ அதை வாழ செய்தால், உனது நல்லடியார்களை எதை கொண்டுக் காத்தருள்வாயோ அதை கொண்டு காத்தருள்! நீ அதை மரணிக்க செய்தால், அதை மன்னித்துவிடு . அதன் மீது இரக்கங்காட்டு.

 

யா அல்லாஹ்! இல்மைக் கொண்டு எங்களுக்கு உதவி செய்வாயாக!. சகிப்புத்தன்மையைக் கொண்டு எங்களுக்கு அழகை கொடுப்பாயாக!. தக்வாவைக் கொண்டு எங்களுக்கு மேன்மை அளிப்பாயாக! நிம்மதியை கொண்டு எங்களைஅலங்கரிப்பாயாக!

!

அகிலங்களை படைத்த அல்லாஹ்வே! நாங்கள் வாழ்கின்ற பூமியில் உன் அருளைப் பொழிவாயாக! எங்கள் மக்களிடையே நல்ல எண்ணத்தையும் ஒற்றுமையையும் உருவாக்குவாயாக!

வறட்சி, வெள்ளம், கொடிய நோய், போன்ற துன்பங்களை விட்டும் என் நாட்டு மக்களை காப்பாயாக! என் நாட்டு மக்களில் யார்யாரெல்லாம் எங்களை எதிரியாக பார்க்கிறார்களோ அவர்களுக்கு நேர்வழி காட்டுவாயாக!

என் சமுதாய மக்கள் தங்கள் சொல்லாலும் செயலாலும் உன் அருமை ரஸுல் முஹம்மது ஸல்லல்லாஹு அலைஹி வஸல்லம் அவர்களின் வழியை பின்பற்றி பிற சமுதாய மக்களுக்கு முன்மாதிரியாக வாழ அருள் புரிவாயாக!

 رَبَّنَا تَقَبَّلْ مِنَّاإِنَّكَ أَنتَ السَّمِيعُ الْعَلِيمُ وَتُبْ عَلَيْنَاإِنَّكَ أَنتَ التَّوَّابُ الرَّحِيمُ

“எங்கள் இறைவனே! எங்களிடமிருந்து ஏற்றுக் கொள்வாயாக; நிச்சயமாக நீயே (யாவற்றையும்) கேட்பவனாகவும் அறிபவனாகவும் இருக்கின்றாய்”. எங்களை(க் கருணையுடன் நோக்கி எங்கள் பிழைகளை) மன்னிப்பாயாக; நிச்சயமாக நீயே மிக்க மன்னிப்போனும், அளவிலா அன்புடையோனாகவும் இருக்கின்றாய்.”

ஆமீன்